Цига хьаьший баь тӀаийцар Украине дӀахьош йолча лаьрххӀача операце бӀухой ноаной, иштта цар фусам-ноаной, яхаш, дийцар «Сердало» газетага из кхетаче вӀашагӀъеллараша.

«Лайчилла бетта тӀеххьарча кӀирандийнахьа дезду из цӀай Россе. Бӏухой гаргарча наха чӀоагӀа лоархӀаме да юкъарлоно шоаш хьаллоацаш хилар, къаьстта цудухьа цу дийнахьа ловцаш даьхар цӀенна кхуврч лорабеш болча кхалнаха-ноаношта.

Ашарий, иллей программашца Наьсаре ера Хамхой Ахьмада цӀерагӀча Паччахьалкхен филармоне артистий тоаба. Хьаьшашта хьалхашка безаме программа дӀайихьар цигарча халхараш деча кагирхоша», - дийцар тха газетага.

Белгалду, цӀай кийчдеш, из дӀахьош новкъостал дир ГӏалгӀай Республикан Росгварде урхаллено, бӀухой дезалий Комитето.

«Даьхен лорбой» ганза болхлоша цу денца даькъалабийцар беррига ноаной.

Ираз, аьттув, унахцӀено хийла шун, шоай дезала белар гулда шоана ма хулла дукхагӀа. Могаш хилда шо!