Шоаш балха хилар лечкъадераш гучабоахаш, рейд йир Наьсаре
11.06.2024 11:45
Бокъо йоацача тайпара болх беш лелараш гучабоахаш, рейд дӀайихьар Наьсарен-Шахьара администраце. Из хоам «Сердалога» бир администраце зарбан болх лелабераша.
«Рейд дӀаяхьа арабаьннарашта юкъе бар къахьегама гӀулакхех йолча министерствон, РоспотребтӀахьожама, йоал яхарах болча оагӀон, Ӏаьдала болхлой», - йоах хоамо.
Кхача кийчбеча, иштта йолча шахьарерча болх-моттигашкара хьал тохкаш хилар комисси. Йоал йоахача моттиге паччахьалкхено дӀа ца язбеш болх лелабераш гучабоахаш, гӀулакх дар из.
Къахьегама гӀулакхех бола бартчӀоагӀам хилар лоархӀаме да, цу оагӀонцара хьал ма дарра довзара.
