«Лергдоацача сура» гойтам дӏабихьар Наьсаре
22.09.2025 15:51
«Лергдоацача сура» гойтам хьабийллар вай мехкарча музее. Цига гулбенна хилар республикерча тайп-тайпарча моттигашкара доакъашхой. «Сердалога» из хоам «Хьалхарчар болам» яхача оагӏоно бир.
Лоархӏаме хьаьший болаш, кхетаче къамаьл деш яр цӏаккха лергдоацача сура исполкома кулгалхо йола Шадрина Наталья, суран штаба кулгалду Бӏарахой Ибрахӏим, «Хьалхарчар болам» яхача оагӏонна хьалха латта Албохчанаькъан Марина, цун гӏонча Пхьошанаькъан Ибрахӏим.
Бӏухой сурташ дар цига хьокха оттадаь. Студенташца, дешархошца гулбеннараша дийцар тӏема истори довзар, моастагӏа вохавеш лаьттача бӏухой цӏераш йиццаяр лоархӏаме долга. ӏоажал йоацача суро Россе хӏара вахархочун дег чу лакха моттиг дӏалоацаш хила езилга белгалдир гойтам дӏахьош хинначар.
