Ӏодада бе-бе саьргаш дӀадоахаш болх дӀахьоргба Наьсаре
20.03.2025 13:15
Куц толхадеш, шахьаре кхаьч-кхаьчача Ӏодада саьргаш дӀадоахаш болх дӀахьоргба Наьсаре. Шахьара даь хьалхара гӀонча волча Котаганаькъан Абте, интернет-болхлошца кхетаче яь, дийцар из дош. «Сердалога» из хоам бир шахьара администраце.
Эггара хьалхарча оагӀонца теркалде деза цхьаккха болх беш доацаш, дукха хана денз Ӏодада саьргаш. Шахьара лакхера моттигаш мукъайоахаш дӀадоахаргда уж. Цул тӀехьагӀа, ца эша кабелаш дӀадоахаш, эшаш дараш боаггӀача боараме дӀанийсдеш болх дӀахьоргба.
Осканаькъан, Чеченски оалача урамашкара дӀаболабергба из болх эггара хьалха. Шахьара да волча Оздой Руслана белгалдир, цу гӀулакхо шахьара керттерча урамий куц меттаоттадергдолга, иштта цо тӀатехар, болх дукха болга, цудухьа аргӀ- аргӀагӀа дӀахьоргба из.
