Наьсаре чувоаллча, коанаӀарий хьисапе керда бечош оттаеш латт
26.03.2025 14:36
ГӏалгӀайчен Наьсарен-Шахьаре чувоаллача, коанаӀарий хьисапе керда бечош (стелаш) оттаеш латт. Цу проекта чудоагӀаш, ца эшача латта карташ дӀа а йоахаш, из моттиг баьццаръерзае лаьрхӀад, дукхача шерашка яхаш йола кӀотаргаш, гаьнаш, цхьан шера дагӀаш дола зизаш дӀадувш, яхаш, дийцар «Сердало» газетага шахьара администраце.
«Цул совгӀа, лаьрхӀад сурт-проект тахка, чувоаллача латтаргдола керда сийленг цу даькъ тӀа оттаде дагахьа», - аьлар хоамо.
Уж хувцамаш лаьрхӀа да шахьара куц эргадаккхара, Наьсарен-Шахьар хьаьший, бахархой бӀарг тӀаотташ хилийтара.
