Шахьара cийдола вахархо яха цӀи елар Наьсарерча лора
Наьсаре дӀайихьача кхетаче шахьара сийдола вахархо яха цӀи елар республикерча дарбанчен нейрохирургически оагӀон кулгал деш волча ГӀазгиренаькъан Ӏумара. Из хоам «Сердалога» бир шахьара администраце. Из лоархӀаме кхетаче дӀайихьар мэре.
Шахьара да волча Оздой Руслана, шахьара депутатий кхела хьалха латтача Бохтаранаькъан Ювсапа из сийдола цӀи цунна яларах дола, 2024-ча шерарча гуйран тӀехьарча бетта 14-ча дийнахьа чӀоагӀо яь тешал дӀаделар цӀихезача лора.
Шахьара да волча Оздой Руслана белгалдир, ГӀазгиренаькъан Ӏумар дукхача унахошта дарба даь, массане доккха баркал кхайкадеш лор волга. Къаьстта доккха баркал ала доагӀаш да COVӀD-19 даьржа хиннача хана цо хьийга къа. Болх барал совгӀа, тахан дуккхабараш Ӏомабеш къахьега аьттув боал дикача лора.
