ГӀалгӀайчен Наьсаре сомий гаьнаш дӀаегӀар Овшанаькъан Руслана цӀерагӀча сквере
24.04.2025 16:35
Наьсарен Овшанаькъан С.Р. цӀерагӀча сквере дӀаегӀар 30 боалий га. Из шахьара программанна чудоагӀаш дар, парка доазош тоадеча, баьццардерзадеча даькъе. Дукха ха яр укхаза цу тайпара балхаш ца ду, яхаш, дийцар «Сердало» газетага шахьара администраце.
Мэра Оздой Руслана лаьрхӀар шахьаре куца йолча гаьнашта меттел, сомий гаьнаш дӀайогӀа, царех вай бахархоша пайда эцаргболаш.
«Хьалхара программан дакъа кхоачашдеш, шахьара керттерча урамашка дӀаегӀар гаьнаш. ШоллагӀча даькъа - парка доазонаш баьццардерзадергда», - аьлар хоамо.
ХӀаьта маьтсела бетта Овшанаькъан Р.С. урамах дукха зизаш дӀадогӀа лаьрхӀад, тӀаккха из моттиг кхы а хозагӀа хургья.
