Саг верах дегабуам беш хиннар лаьцар Наьсаре
11.04.2025 16:32
ГӏалгӀайчен Наьсаре хьалаьцар, саг верах дегабуам беш хинна 27 шу даьнна маӀа саг, яхаш, дийцар «Сердало» газетага республикан тохкама комитете.
Хоамо яхачох, 2025 шера бекарга бетта 6-ча дийнахьа Халмарзанаькъан урам тӀа дов даьнна, 27 шу даьннача маӀача сага наькх тӀа урс техар моттигерча вахархочунна. ШоллагӀча дийнахьа из цу човнах велар.
Карарча хана тохкамхой болх беш ба хиннар ма дарра довзара. Дегабуам беш хиннар хьалаьцав. Суде дӀадахьийтад из хьалацарах дола гӀулакх.
