Наьсарера Ингушски оалаш бола урам тоабаь баьннаб
08.04.2025 10:33
Газ чуюллаш толхабаь Ингушски оала Наьсарера урам тоабеш хилар болхлой. Шахьара администраце ООО «Газпром межрегион Наьсаре» яхача оагӀон къахьегамхошца цхьана чакхбаьккхар из болх.
«Сердалога» из хоам бу шахьара мэре. «Машинаш лела йиш йолаш хьабийллаб никъ. Ӏ км латтача наькъа 400 метрага кхоачаш дола доазув да болх дӀабихьар. Керда асфальт Ӏобиллаб болхлоша, укх деношка басарашца белгалонаш ергьа наькъа.
«Ма хулла хозагӀа, бӀарг тӀаотташ куц долаш, хилийта гӀерт тхо шахьар, цудухьа иштта хоза цӀи йола урам дика тоабар лоархӀаме да», - белгалдир мэр волча Оздой Руслана. Иштта урам тӀа оттаде лерхӀ наькъий моттигаш йовзийташ дола улг. Бахархой, хьаьший хьал аттачахьа доаккхаш хургда из гӀулакх.
