Йоалаца дувзаденна гIулакх тохкаш хилар Iаьдал Наьсаре
06.11.2025 16:11
Йоал дIацателар духьа, цхьаццадараш къайлакхухьаш хиннача Наьсарерча цхьан компанен кулгалхочун гIулакх тохкаш хилар Iаьдала болхлой. Из хоам «Сердалога» бир тохкама оагIонцарча викалаша.
«Тохкама болхлоша белгалдечох, шийна 6 миллион декхар тIалаттилга ховш, из дIадала аьттув болаш хиннав из саг. Бакъда, цо декхар кхыча компанена дIатIадиллад, йоал дIааха еза ахча мел да ховргдоацаш», - йоах хоамо.
Ший бехк дIатIаийцар цу сага. ГIулакх дIахо тахка суде дIачудахийтад.
