Наьсаре керда ишкол хьалъяь яьннай
14.02.2025 12:51
Наьсаре хьалъяь яьлар керда ишкол, из я Чеченски урамах а 720 дешара моттига лаьрхӀа а. Из дешара гӀишло чуйоагӀаш я «Дешар» яхача къаман проекта, дешара эшаш мел долча хьалашца Ӏалашо яьй, яхаш, дийцар «Сердало» газетага мехка дешара Министерстве.
«Гӏишло диазза вӀаштӀара яь я. Цига таханарча дено дӀадеххача тайпара хьаяь классаш, актови зал, библиотека, даар кийчду моттиг, шиъ лифт я. Ишкола даькъ тӀа спортивни майда я, берашта салаӀа моттиг я», - аьлар хоамо.
Белгалду, 2025-ча шера, «Дешар» яхача къаман проекта метта «Кагирхой, бераш» яха проект яьй, кагирхой начӀал дегӀадоаладара. «Дешар» яха къаман проект хилар, 2019-ча шера денз 2024-ча шерга кхаччалца; Россе берий, ондаргий цхьатарра йола бокъонаш Ӏалашъеш.
