Новкъосташка, безарашка марха доастийташ кхетаче йир Наьсаре Дикача наьха клуба доакъашхоша
17.03.2025 14:49
Марха доастийта безаме сайре дӀахьош хилар Наьсаре Дикача наьха клуба доакъашхой. Из хоам «Сердалога» бир цу моттигера.
«Селхан «Кристалл» яхача йоккхий кхетаченаш дӀакхухьача цӀагӀа гулбелар журналисташ, бизнесменаш, юкъарлон болхлой, иштта кхыбараш. Ламаз даь, марха даьста, безаме къамаьл деш ха дӀайихьар цар истола гонахьа», - дийцар КДЛ кулгалдеча Матенаькъан Натас.
Вай Ӏадатах латтачча тайпара; кхалнах, маӀанах къаьста болаш; баьгӀар цига. Вай динцара викторина дӀайихьар гулбеннарашта юкъе. Тикашкара хӀама эца, спортзале ваха аьттув луш дола сертификаташ дар цига ловзадеш. Берригаш раьза болаш чакхъяьлар кхетаче.
