ӏискхий Лорса цӏи лелаеш бола урам тоабе лерхӏ Наьсаре
25.09.2025 13:52
900 метрага кхоача ӏискхий Лорса цӏерах болча урамера никъ тоабе арабаьлар болхлой. Из хоам «Сердалога» бир Наьсарерча администраце.
«10 шу совгӏа ха я бахархоша цу хувцамашка сатувса. Цу моттигага хьежа, бахархошца къамаьл дир шахьара дас Оздой Руслана. Кердача наькъ тӏа кхерамзлен хьал лорадара юкъедоаладе дезараш белгалдир цо», - йоах тхогарча хоамо. ӏискхий Лорсий цӏи лелаю урам лоархӏаме ба, цига № 14 йола ишкол, №11 йола берий беш хиларах.
Иштта шахьарерча керттерча урамашта тӏабодаш а ба из никъ. Керда асфальт ӏобиллар цигарча бахархошта доккха совгӏа да, хӏана аьлча никъ тоабарга цар сатувса дукха ха яр.
