Наьсаре дӀаболабир дӀоахала басарца наькъа оасаш дахийтара болх
24.04.2025 12:09
Наьсаре дӀаболабир басарца дӀоахала наькъа оасаш дахийтара болх. Центральни куран администраце доал деча даькъ тӀара наькъаш тоаду, хӀаьта мехка Автодоро - республикан лоархӀам бола наькъаш, яхаш, дийцар «Сердало» газетага шахьара администраце.
Оасаш дохийт лаьрххӀача техникан новкъосталца е кулгкара. Дукхаг1а дола балхаш деш дар Базорканаькъан, Фабрични урамаш тӀа.
Болх бе лаьрхӀа дола денош белгалдаьд, хаоттам кхы талхаш ца хуле, хӀана аьлча эша йӀовхал ца эттача, из болх дӀабахьа йиш йолаш бац. Из хила еза +15 градусага кхоачаш.
ХьалхагӀа цу тайпара балхаш дӀадихьад Маг1албика Осканаькъан оалача керттерча урам тӀа, из болх вӀашагӀбеллабар республикан машиннаькъий Министерствос.
