Наьсаре керда нувхашчутувсаргаш увттае болабеннаб
Укх деношка Наьсарен-Шахьаре нувхаш чутувса керда яьшкаш увттае болабеннаб, цунца цхьана бокъонаш телхаеш Ӏокхийса нувхаш дӀа а йоахаш. Из хоам «Сердало» газетага бир доал деча даькъ тӀа зарбан болх лелабераша.
«Укх наькъа уж балхаш дӀадихьар Базорканаькъан проспекта тӀа. Администраце кулгалхочун гӀончас Котанаькъан А. керда яьшкаш эцарах а хьалха ийца хиннараш Ӏоувттаеш бола болх дӀабахьарах а дийцар, уж бюджетера доацача ахчах ийцаяр.
Иштта администраце кулгалхочун гӀончас, шахьара администрацех латтача комиссе кулгалхочо Мархенаькъан М. дийцар шахьаре видеотӀахьожама болх дӀабахьара лаьрхӀа камераш увттаеш хиларах», - аьлар тхоца къамаьл даьчо.
Белгалдаккха дезаш да, таханарча дийнахьа комиссе бехктокхаме эзав 35 совгӀа саг, цар шахьара санитарни хьал толхадаь хиларах. Кхы а 18 гӀулакх тахка дезаш да. Кураш тӀара из гӀулакх администрацешка санна массахана теркама юкъе да.
