Наьсаре лаьрхӀад гӀо эшарашта новкъостал дергдола ГӏалгӀайчен хьалхара штаб хьаелла
Вахара гӀулакхашка хьожарий, дика новкъостал дерий, волонтерий, меценатий болх дикагӀа дӀагӀоргболаш, Наьсаре тушола бутт чакхбоалаш хьаелла лаьрхӀад республике хьалхара сихача гӀон штаб, таро йоацача наха, СВО дезалашта новкъостал дергдолаш. Цох дийцар ТАССа, ше интервью луш, шахьара мэра Оздой Руслана.
Цо яхачох, Наьсаре 1,5 эзар совгӀа дезал бах, паччахьалкхенгара новкъостал эшаш. Уж ба таро йоацараш, дукха дезал бараш, ОВЗ долаш могаш доаца бераш дараш, СВО доакъашхой дезалаш.
«Хала хете а, хӀанз долаш долча новкъосталах хӀама дӀа ца кхоачараш а ба, шоай ханнахьа из лоаттаде а массахана вӀаштӀехьа хилац. Из дош кхоачашдара шахьаре штаб вӀашагӀйолла еза, цох пайда эцаргболаш. Тӏаккха из новкъостал ший кхача деззача моттиге дӀакхоачаш хургда, из декхар тӀадиллад Келаматанаькъан Махьмуд-Ӏаьлас. Оперативни штабо массайолча оагӀорахьара новкъостал лоаттадергда: кхачан даарашкара, молхашкара дӀадоладенна, вахара фусамаш яра долча хаттарашка кхаччалца, цу юкъе психологически новкъостал дар а долаш. Оаха лаьрхӀад дезалашта новкъостал дара, уж берий бешамашка оттадара, кружокашка ухаш хургдолаш уж Ӏомадара бола гӀа баккха.
Сихача гӀон штаб хьаеллар - из аргӀанара болх дӀабахьар дац, из нийсхон тӀехьа боккха, лоархӀаме гӀа ба, Наьсарен бахархошта гӀо дара», - аьлар шахьара кулгалхочо.
