Шахьара моттигаш сийрдагӀа хургйолаш, лампаш хувцаш ба Наьсаре
17.08.2024 23:20
Шахьарера лампаш хувцаш, болх дӀахьош латт Наьсаре. Сайранна Ӏама юхе ха яккха аьнна арабаьннача бахархоша теркалдир хувцамаш.
«Деррига тока саьргаш хувцаш, керда, дикагӀа йола лампаш йохкаш; болх дӀабихьаб Ӏама гонахьа. Сайран салаӀа, цӀенача фега ха яккха арабаьннарашта; паргӀатагӀа хургья хӀанз», - дийцар «Сердало» газетага шахьара администраце.
Шахьара моттигий куц тоадеш, бахархошта тоам бе гӀерташ, къахьег администраце, хӀаьта бахархой из кхетадеш, хам беш хила беза. Къаьстта цу моттигера хӀамаш телхаеш нийслу дер дайнараша. «ТӀаргам» яха коттеджаш йолча моттига тӀабодача наькъа йистошка егӀа лампаш йохайир дукха ха йоацаш.
Цу тайпара хӀамаш леладу зуламхой гучабоахаш, гӀод деттаргда шахьаре.
