Ӏаьржа хий доагӀе а аьнна, хиш техкар Наьсаре
08.04.2025 10:32
ДогӀаш доладенна хиш айделча, хила тарлуш дола хьал тохкаш хилар Наьсаре. Из хоам «Сердалога» бир шахьара администраце.
«Наьсар оалача хин, Алханчуртски канала гонахьа латтача чӀоагӀале малагӀча хьале я хьежар лаьрхӀа араяьнна комисси. Цунна юкъе бар шахьара администрацерча дагадоацаш хулача хатарех болча оагӀон болхлой, Кавказерча РостехтӀахьожама оагӀон дакъашхой», - йоах тхога бенача хоамо.
Теркалдаьча кхоачамбоацарех йола акт, цу даькъ тӀарча уж юстардаха дезача болхлошка дӀахьожаергья. БӀаьстан хана хиш айделча, хила тарлуш долча хатара духьала дӀахьош аргӀанара болх ба из.
