«Зарница 2.0» яхача ловзаре котбаьннарий цӀераш яьхар Наьсаре
Наьсарерча, Магасерча «Хьалхарчар болам» яхача оагӀон доакъашхой шоай говзал гойташ хилар «Зарница 2.0» яхача Ерригача Россе тӀема, Даьхенцара лерхӀам гойташ долча ловзаре. Республикерча яхьашка дакъа лоацаргдола тоабаш къоастайир цу гӀулакха хьалхалаттараша. Из хоам «Сердалога» бир «Хьалхарчар болам» яхача оагӀон доакъашхо волча Налганаькъан Рамзана.
«Яхьашка къоастаяьча программах, шоай дегӀа низ, тоабан юкъера болх малагӀча боараме ба, саг чувагӀаш доацача гӀирсашта доал дар, мехка истори довзар гойтар бераша», - йоах хоамо.
Столицерча берашта юкъе хьалхара моттиг «Марем» яхача гимназега йисар, шоллагӀча моттиге эттар Магасера Лицей-берий беш. Лакхерча классашкарча берашта юкъе хьалхарча лагӀа тӀа Лицей-ДС эттар; шоллагӀа, кхоалагӀа моттигаш №1 йолча ишкола-берий бешаи №2 йолча ишколаи кхаьчар.
Эггара толашагӀа йола тоаба я аьнна хержар Наьсарера № 15 йола ишкол, дото майдилг йихьар хьехархой колледжо, хӀаьта кхоалагӀча лагӀа тӀа № 19 йола ишкол хилар.
