Наьсаре болх йистебаьлар, Новая урамах долча №21 йолча цӀен лифт тоаеш бола гӀирс оттабеш. Из дӀабихьар ГӏалгӀай Республикан кулгалхочунга Келаматанаькъан Махьмуд-Ӏаьлага карарча шера тушола бетта СВО веннача бӀухочун нанас даьча дехарах, яхаш, дийцар «Сердало» газетага шахьара администраце.

«Республикан кулгалхочо тӀадиллача декхарах, из беррига болх йистебаьккхар тушола бутт чакхбалале. Ремонт дӀахьош 1 млн совгӀа сом ахча дӀадахар, бакъда бюджетера доаца хьалаш юкъедахарах из болх ший ханнахьа йистебаьлар, хӀанз лифт болх беш я», - аьлар хоамо.

Цул совгӀа, Наьсаен-Шахьара мэра Оздой Руслана белгалдир Наьсарен дерригача цӀеношта тӀахьожам лоаттабара йола урхалле вӀашагӀъелла хилар. Из деррига а деш да, наьха вахара хьалаш тоадара.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде