Наьсаре соцадир, догӀа дӀаухийташ йолча моттигашка бӀеха хиш чудехкаш хилар
14.02.2025 15:37
Наьсарен-Шахьара Керттерча администраце викалаша, тӀахьожама болх дӀахьош, гучадаьккхар Гвардейски, Итазанаькъан, Пугенаькъан урамашка догӀан хиш дӀаахийта яьча моттигех бӀеха хиш дӀахетта хилар.
Из кхоачамбоацар дӀадаккхара лаьрххӀа йола техника йоалаяьяр, бокъонах ца йоагӀаш дӀахетта турбаш юха хьаяьхар, яхаш, дувц хоамо.
Цхьабола нах вӀалла цӀагӀара арабала безам болаш а хиланзар, бакъда царна из хьал хьалхадоаккхаш дола каьхаташ дӀадахьийтад. Укх деношка, Наьсарен административни комиссе цу бехктокхаме боацача наха доагӀаш дола лоткъамаш оттадергда, цар шахьара цӀена хьал телхадеш хиларах.
