20 саг бехктокхаме эзар Наьсаре
Мархенаькъан Миланас кулгал деш дӀайихьача кхетаче, шахьарерча административни комиссе 22 гӀулакх тахкачул тӀехьагӀа, 20 саг гӀод такха дезаш бехктокхаме эзар. Кхы а шиннена бехк баккхар мара доацаш, чакхдаьлар из гӀулакх. ДӀахо кхы из тайпара кхоачамбоацараш ма далийта хьалхадаьккхар царна. Деррига гӀулакхаш бокъо йоацача моттигашка машина чура нувхаш аракхувсарца дувзаденна дар.
Из хоам «Сердалога» бир администраце зарбан болх лелабераша. 40 эзар сом гӀод такха дезаргда из во гӀулакх маьршадаьккха леларий.
«Цхьана дӀахьош латта болх ба из. 25 камера оттаяь, тӀахьожам баро хоалуш меттадоаладеш латт из хьал, нахагара хьадоаккхаш дола гӀод нувхаш дӀайоахаш дӀадода», - белгалдир Мархенаькъан Миланас. Цул совгӀа, администраце шахьара кхела депутаташта хьалхашка оттадаьд, цу наха тохаш дола гӀод пхезза дукхагӀа хургдолаш, Халкъа Гулламе дувцийта аьнна.
Таханарча дийнахьа латташ дола гӀод 1000, 2000 эзар сом да.
