Наьсаре дӏахьош да шахьара ӏама юхера доазув тоадара балхаш
РФ гӏишлон министерствос хьаллоацаш, дӏахьош хиннача ерригроссийски яхье дика шахьара хьалаш хьакхолларах котало яккхарах, таро хилар цӏихезача гӏалгӏай шахьара грант яккха, из ахча доазонаш тоадара даькъ тӏа дӏадахийта. Иштта дӏаболабелар боккха, шахьара ӏама гонахье тоаяра болх, цох ах хӏанз баь баьннаб.
«Йистедаьннад къаьнара гӏирсаш дӏа а доахаш, керда гонахьара карташ хьаяр, видео тӏахьожам бара дола гӏирсаш оттадаьд массанахьа, ӏойилла йолаяьй плитка, кхера тохаш латт, сердал луш дола бӏоагӏий ӏодегӏад, хьалха хиннарел дуккха а дикагӏа сердал луш дола.
Хӏанз дӏаболабеш ба берий майдан кӏийле а, иштта бурчолгаш а дара болх, кастлуш лодка лелара йола моттиг а хьалъергья. Проекта чудоагӏаш да ахкан амфитеатр, иштта хи тӏара ресторан хьалъяр. Деррига балхаш даь даргда 2026 шу чакхдалалехь», - аьлар Гӏалгӏайчен гӏишлошъяра Министерстве.
