Наьсаре СВО бӏухой дезалаш тӏаийцар, прокурора дакъа лоацаш
14.10.2025 09:50
Наьсаре нах тӏаэцаш хилар «Даьхен лорабой» ганза филиала кулгалхо Оздой Муслим, Жӏайрахьа кхален прокурор Белхарой Мурад.
Шоай хаттараш дахьаш баьхкабар Лаьрххӏача тӏема операце бӏухой дезалаш, яхаш, дийцар хоамо.
Цига бар бӏухой гаргара нах, царна дукхагӏа дагадаьлла дош дар вахарца дувзаденна новкъостал, лорий гӏулакх, цу мугӏарера кхыдола хаттараш.
СВО даькъ тӏа мичав ца ховш волча бӏухочун фусам-нана Осканаькъан Аза енаяр шийна вахара хьалаш хургдола каьхаташ гулдара новкъостал эшаш, законах доагӏаш ма хиллара.
Бисайнаькъан Заирас дийхар лорий новкъостал, фусам-да хӏанз могашал меттаоттаеш хиларах.
Цул совгӏа, цига венавар Гиренаькъан ӏалихан, ший вайна воша дагавоаллаш, цох бола хоам безаш.
