«Цхьана дӀалу. Даьшца ЕГЭ дӀалуш дола ди» яха болам дӀабихьар Наьсаре
21.03.2025 11:03
Наьсарерча № 6 йолча ишколе дӀабихьар «Цхьана дӀалу. Даьшца ЕГЭ дӀалуш дола ди» яха болам. Дешара, Ӏилман оагӀонца тӀахьожам лоаттабеча федеральни моттиго юкъедаьккхад из гӀулакх.
Укх шера из болам хьаллаьцар хьакимаша, иштта цу оагӀонцарча министерствон хьалха латта Цхьорой Ахьмад-Башир вар цу юкъе дакъа лоацаш. Математиках экзамен луш хилар доакъашхой.
Болам дӀабахьара бахьан - даьшта, ноаношта ЕГЭ гӀулакх ма дарра дӀадовзийтар, тӀехдаьнна саготцадайтар шоай берех.
«Даьша, ноаноша кхетадергда ЕГЭ дӀаялар мишта латт, кийчо яь хьавеначун из хала доацилга», - белгалдир министра. ХӀанз ийсазлагӀа дӀахьош ба из болам.
