Шахьаре цӀенъеш, хозъеш доккхий балхаш ду
Наьсарен администраце, республикан автодора Министерствоца, «Хица Ӏалашо яра «ЦаӀ волча оператора» ГУПаца, Наьсарен межрегионгаз Газпромаца цхьана доккхий гӀулакхаш дӀахьош да, шахьара куц-сибат хувцара дола балхаш деш.
Цу даькъ тӀарча зарбан болх лелабераша яхачох, наькъаш тӀа асфальт буллаш латт. Цу тайпара болх дӀахьош ба укх деношка Заводской урам тӀа. Ингушски, Итазанаькъан урамашка наькъаш тоадара кӀийле яьй. Аьлтий-Юртарча Ӏарчакханаькъан урам тӀара никъ шербеш латт. Керда фусамаш хьалъяьча зӀамигача кхале, 23 феврала цӀерагӀча урам тӀа гӀум а жагӀа а вӀаший увш дола наькъа кӀалхьарцар даьд.
Тишъенна наькъа йистош кердайоахаш, хин турбаш хувцаш латт.
Из доацаш, массахана цӀендеш да наькъаш, кулгашца а техникаца а болх беш, лостам беш.
Дӏаоттаеш латт керда нувхаш чутувса яьшкаш. Масала, уж я Базорканаькъан, Юбилейни урамий даькъ тӀа.
ЛоархӀаме да бизнес лелаечарнеи ювцача моттига доал дечарнеи юкъе бувзам хилар. Доалахьара хӀама леладерашта тӀадиллад, шоашта гонахьара доазонаш тоадар.
