Наьсарерча Овражни урам тIа трансформатор оттаяьй
06.04.2025 20:49
Наьсарерча Овражни урам тIа дика чакхбаьлар 400 кВа низ бола траснформатор оттаяра болх, из дуккха дикагӀа хургья наьха хьалаш тоадара, яхаш, дийцар «Сердало» газетага шахьара администраце.
«Укх деношка, трансформатор ехар, цудухьа шахьара кулгалхочо Оздой Руслана из, кхы тӀехьа ца тетташ, кердачунца хийцар, сарахьа болх чакхбаьлар», - йоах хоамо.
Тешшаме йола трансформатор эшаш яр 150 сага, хӀаьта кердаяр оттаярах цу даькъ тӀа бахача наха сердал ялара дош тӀехдика кхоачашдир. Цу тайпарча балхаша наьха вахара хьалаш тоаду, кхерам боацаш а ду моттигерча бахархой вахар.
