Аьхки кийча хургья, Наьсарера цхьаькха берий беш
200 бер тӀаэцалургдола керда берий беш кийча хургья Наьсаре кастта. Таханарча дийнахьа, ши гӀат долча гӀишлон болх 80% кхоачаш йистебаьннаб. «Гранд-Строй-Лидер» яхача моттига къахьегамхой, чура балхаш деш, кораш дӀаоттадеш, тхов нийсбеш, юкъера йовкъаш ехкаш боахк.
«Хий чудуллаш, газ дӀачухьош, бӀеха хиш дӀаараухаргдола турбаш чуйоахкаш боахк болхлой», - дийцар тха «Сердалога» гӀишлошъяра балхах йолча Министерствос.
Ишколе даханза долча берашта хьеха кхеллача федеральни программага гӀолла дӀахьош беркате болх ба из. ДӀадахача шера хьалъе йолаяьй из берий беш. ГӀишлошъяра балхах йолча Министерствос дехарах, дӀахьош болх ба из. 0,7 гектарага кхоачаш доазув да берий беша дӀаденнар.
ВорхӀ тоаба бераш хургда цига Ӏеш. Лорий кабинет, лувча моттиг, актовий а спорта а залаш, иштта кхыдола мел эшар Ӏалашдаь хургья из хоза, беркате берий моттиг.
