«Карарча хана цу парке цхьадола балхаш дӀадоладаьд, архитектура даькъаца дувзаденна. Керда гӀандаш, нувхаш чутувса яьшкаш оттаяьй, иштта бурчолгаш а хургда цига, Наьсарен шахьара истори тӀадолаш йола стендаш, модульни библиотека хургья. Уж балхаш йистедаха лерхӀ карарча шера кӀимарса бетта», - йоах хоамо.

ДӀадахача шера чоалхане доаца балхаш даьдар, бакъда архитектурага диллача тоае езаш яр ер моттиг. «Туризм, хьаша тӀаэцара таронаш» яха проект бахьан долаш, из болх бе таро хилар», - аьлар шахьара кулгалхочо Йовлой Урусхана.

Белгалду, лаьтта Ӏотеха кхера хувцар, сийленгаш тӀера тоадар, чувоалаш йола коанаӀараш тоаяр цу юкъедоагӀаш дац, хӀана аьлча уж проектаца дац.