Наьсаре зулам дарах гӀулакх хьадийллар телефон лочкъаяьчунна духьала
Наьсарен-Шахьаре уголовни гӀулакх хьадийллар 16 шу даьннача, телефон а ийца мича вахар ца ховш къайлавьннача кӀаьнка духьала, яхаш, дийцар «Сердало» газзетага бокъонаш лораераша.
Моттигерча Наьсарен вахархочо Интернет бувзамашка Ӏочуоттадир ший мобильни телефон «Айфон 11» яйна хилар, цул тӀехьагӀа зуламхочо из йохкаш волчунга аьлар ше телефонага хьажа воалл, аьнна. Цар моттиг белгалйир цунга хьажара, цул тӀехьагӀа вӀашагӀкхетар а хилар.
Хӏа аьнна телефон хьабейоллашехь а, мича вахар ца ховш, из вайна дӀаваьлар. Цул тӀехьагӀа ший телефон яйначо полицега хоам бир. Уголовни тохкам беча болхлошта зуламхо сиха коравир. Ше бехке хилар тӀа а ийца, цо телефон юхаелар.
Административни протокол оттадаьд цу сага доал деш волчунна духьала, цо кхетам балара болх лерттӀа дӀахьош цахиларах. Хӏанз кхелатанза волчунна духьала уголовни гӀулакх хьадийллад, из аравала йиш йолаш вац вай мехкара.
