Наьсарен доазонаш тоадара даькъ тӀа тӀахьожам чӀоагӀбергболаш ба
Наьсарен шахьара администраце тӀахьожам чӀоагӀбергболаш ба доалахье лелаераша, бахархоша теркал ца деш дита доазонаш тоадара. Шахьара кулгалхочо Оздой Руслана кхетаче дӀайихьар цу деша хетаяь, цо цига белгалдир шахьара даькъ тӀа лостам бара данза даргдоацар.
Цунца дувзаденна, Наьсарен кулгалхочун гӀончас Мархенаькъан Миланас, керттерча архитектора Цӏечой Басира кийчдеш да каьхаташ, доазонаш тоадара йола бокъонаш юкъейоахаш. Уж бокъонаш кхы а 2017 -ча шера чӀоагӀъяьй. Цу хана денз, уж цкъа мара кердаяьха а хиннаяц, из дар 2024-ча шера.
Юкъедоахаш дола хувцамаш дувзаденна да, шахьара доазон тӀа таханарча замо дӀадеххача беса лостамаш хилийтара.
Хувцамаш даь проект ювцаргья шахьара кхела депутаташа, цар чӀоагӀъергья доазонаш тоадара йола керда бокъонаш. Уж чӀоагӀъяьчул тӀехьагӀа, экономически балха хӀара миӀинг, иштта Наьсарен бахархой уж лелае езаш ба.
Шахьара мэра белгалдир, бизнеса, Ӏаьдала юкъера бувзам лелабе безаш хилар. Администраци кийча я доалахьара хӀама хьадерашта эшаш дола новкъостал де, цар шоай доазонаш бокъоно дӀадеххача тайпара леладергдолаш, царца нувхаш дӀакхахьара бувзам хургболаш, иштта шахьара куц-сибата боарам лоаттабергболаш.
