Наьсарерча полице хьалаьцар, кхалсаг Ӏехаяь, 215 эзар сом даьккхар
Наьсарерча полице хьалаьцар, ше юхьдухьала воацаш, нах Ӏехабеш, ахчаш доахаш вола саг. Цо тийшача балхах моттигерча яхархочунгара 215 эзар сом даьккхадар, яхаш, хоам бу «Сердало» газетага бокъонаш лораераша.
38 шу даьннача кхалсага бувзама оагӀонашка гӀолла бӀаргадайра фирменни тӀабувхабу гӀирс бохкаш. Из бувзаме яьлар, WhatsApp гӀолла из бохкаш волчунца. Цу сага ше хьалха болх беш хинна полицейски ва аьлар, юхайохкара из дикал лакха йола форма эца могайир. Цох тийшача кхалсага шийна хьаеннача чёта тӀа 215 эзар сом дӀадахьийтар. ТӏехьагӀа гучадаьлар, ше Ӏехаяьлга.
Наьсарен уголовни розыска, моттигерча МВД болхлоша сиха лехар из саг. Из хилар Пятигорскера 31 шу даьнна вахархо. Ахча цо ший гӀулакха дӀадахийта, доацаш дар, из хьалаьцача хана.
Цунна духьала уголовни гӀулакх хьадийллар «зулам леладарах» яхача статьях. Хӏанз из дӀа-юха ваха йиш йоацаш, кулг яздаь цӀагӀа ва, дӀахо а из гӀулакх тохкаш да.
