Пенсионера йийтта саг лаьцар Наьсаре
15.09.2025 14:37
Дов даьннача моттиге 71 шу даьннача пенсионера хӏама теха 18 шу даьнна вахархо дӏалаьцар Наьсарерча ӏаьдало. Наьсар-Кертерча Могушканаькъан цӏи лелаеча урам тӏа хиннад из дов. «Сердалога» из хоам бу МВД болхлоша.
«Вӏаший цабезам юкъебенна, дов ийккхад цар, тӏаккха дов латарга даьннад. 18 шу даьннача вахархочо батах хӏама теха пенсионер ӏовежав, бордюрах кхеташ, корта лозабеш. Мочхала кӏалхара тӏехк кагьеш, хьоа човхабеш, дегӏа ӏоткъам хиннаб воккхача сага», - йоах тхогарча хоамо.
Хӏама техар ӏаьдало ӏочувигав. РФ 1-ча даькъа 112-ча cтатьях гӏулакх хьадийллад цунна духьала - сага унахцӏенон юкъерча боарамга кхоачаш зе дар.
