Корта бохабу малар меннача водитела духьала, уголовни гӀулакх хьадийллар
11.03.2025 14:37
Наьсарен вахархо уголовни гӀулакха юкъевахар, корта бохабу малар менна машинаца варах. Из нийсделар саькура бетта Московски урам тӀа, цига из саг соцавир «ВАЗ 21099» машинаца воагӀача хана, яхаш, хоам бу «Сердало» газетага бокъонаш лораераша.
ТӀехьагӀа ховш ма хиллара, новкъа ха деча болхлоша соцавича, гучадаьлар цунга цхьаккха тайпара каьхаташ цахилар. Цул совгӀа, полице викалаш харцонца кегабе гӀерташ къахьегаш а хиннав из, ше кхывола саг ва ала гӀерташ, бакъда цох хӀама хиланзар.
Из хьал оттарах хьадийллар уголовни гӀулакх, зуламхочун цӀерах каьхат хьаяздаьд, республикера араваргвоацаш.
