«Сунт» яха рейд дахьош хилар мехка ГАИ даькъа болхлой
24.06.2024 09:33
МВД кулгал деча полице генерал-лейтенант волча Коробкин Михаила тӀадилла, Наьсарен кхален моттигашка «Сунт» яха рейд дӀахьош хилар МВД ГАИ даькъа болхлой. Из хоам «Сердалога» бир цу моттигера.
«ДӀайихьача рейдо гучадаьккхар 23 кхоачамбоацар, 39 машина тӀара кораш баьддар дӀадаьккхар», - йоах хоамо. Машинашца леларашта дӀадийкъар наькъашкарча бокъонех латта буклеташ, хьалхадаьккхар фийла хила, тӀалатта гӀод ханнахьа дӀатакха, аьнна. Наькъашкара кхерамзлен хьал тоадара тӀехьа дӀакхухьаш болх ба из ший хан-ханнахьа.
