Наьсарен кхалерча базарий, тикай хьал тохкаш хилар
08.08.2025 09:21
Наьсарен кхален моттигашкарча базарий хьал малагӀча боараме латт тахка арабаьлар мехка. Къаьстта терко тӀаяхийтар, хӀара моттиго дӀахьош бола болх Ӏаьдала бокъоно дӀадеххача тайпара бий хьожаш. Иштта кхерамзлен оагӀонца дувзаденнараш теркалдир цига.
«Гучадаьха кхоачамбоацараш дӀахо къоастадеш болх дӀахьоргба, ма хулла сихагӀа уж юстардаха аьнна тӀадулларгда цу оагӀонцарча болхлошта», - дийцар «Сердалога» Наьсарен кхален администраце.
Из тайпара тӀахьожам дӀакхахьар чӀоагӀа лоархӀаме да, хӀама йохкача моттигашка наьха кхерамзлен хьал лорадара тӀехьа. Вай Мехкадас тӀадиллад; из болх хан-ханнахьа, боаггӀача боараме хьабе, аьнна.
