Марихуана яхача наркотика гурмат яьккхар ППС болхлоша Наьсарен кхале
25.08.2025 10:19
Тешаме ца хийттача вахархочун машина чура 40 грамм хиллал дола марихуана яха «дохьаж» лаьцар Наьсарен кхален Россе ОМВД болхлоша. Из хоам «Сердалога» бир МВД. БурокӀалхарча Заьзганаькъан цӀерах болча ураме.
«ВАЗ-2115» яхача ший машина гонахьа кхеста вахархо лертӀа воацилга теркалдир Ӏаьдала болхлоша», - йоах тхога бенача хоамо.
Цу машина чу чухьежача, царна корайир 46 граммал дукхагӀа марихуана чйоалла тӀормиг. Наркотикашца бувзам лелабеш вола вахархо бехктокхаме эзар, цунна духьала гӀулакх хьадийллар Ӏаьдала. Цул совгӀа, республикера аравала йиш йоацаш, бокъо йийхкай цунна.
