Наьсарерча культуран цIагIа, Россе денна хетадаь концерт хилар
В преддверии Дня России в Доме культуры Назрановского района Ингушетии состоялся большой праздничный концерт, на котором продемонстрировали свои таланты воспитанники всех творческих объединений РДК.
«Эстрадно-джазови иллей оагIув гойтар Iамархананаькъан Мухьмада, Iалбакханаькъан Дале, Кусенаькъан Аминас, Меданаькъан Танзилас. Театра кружокашка Iомалуш бараш а хилар цига, шоай кхоллам гойташ. Цунна кулгал деш я Эккажанаькъан Мадина, цар сцена тIа шоаш оттаяь беламе оагIув гойтар.
Вай мехка керттера цIай долаш, кийчдаь халхараш а хилар цига хьажархошта лаьрхIа. Цу концертни программан юкъе дакъа лоацаш яр ГIалгIайчен цIихеза артистка Алхой Заира, «Магас» яха Паччахьалкхен халхара ансамбль. Концерте хьа мел баьхкараш таро йолаш бар Даьхенах, доттагIалах, безамах долча иллешка ладувгIа, иштта цига хилар, наьха безам совбоаккхаш, вай къаман халхараш а», — аьлар «Сердало» газетага Наьсарен культуран цIагIа.
ЦIай дIахьош гуш дар, Росси ше низ болаш хилар, чIоагIъенна дIаоттара никъ цо мел хала баьккхаб, цудухьа хIара вахархочунна ха деза ший даьшта карагIдаьннар мел лоархIаме да, цун хам бе беза.
