Малсаганаькъан Сосаркъий вахарах дувца книжкаш кхаьчар къаман библиотеке
Малсаганаькъан АртагIа Соcаркъий вахара никъ бувцаш дола кхо книжка арадаьлар вай къаман библиотеке. Малсаганаькъан Сосаркъа ГIалгIай полка штабс-ротмистр волаш гIулакх деш хиннав, 1925-ча шера маьтсела бетта, Соловецки гIайренашкарча Кемски лагерера ведда хиларах, исторе майра, денал дола воI ваха висав. Историкашта, Iилманхошта лоархIаме хургда уж кинижкаш; Соловецки лагерь, советски ханашкара кIайбараш, эпсараш бувцаш, цар никъ бовзийташ хиларах.
«СЛОНера вадар» яхачунца арадаьнна книжка, «Соловецки лагере лийца баьхкараша дийцачох» лагерашка лийца баьхкарашта дагаихачох оттадаь да. «ЖожагIатен гIайренаш» яха, Малсаганаькъан Сосаркъий 1926-ча шерара книжка а цу юкъедодаш да. Цу тIа вувц паччахьа эпсар хинна, цу лагерера ведда Бессонов Юрий - «Ткъаь ялх набахте, Соловкера вадар» (1928). Книжка юкъедахад Малсаганаькъан Сосаркъий, Бессонов Ю.Д., Iилманхо-хьехархо хиннача Янданаькъан М.Д., Сойни Е.Г яздаь хIамаш. Иштта цига хьакхаьчад таржам даь Малсаганаькъан Сосаркъий «ЖожагIатен гIайре. Советски набахте гаьнарча гIинбухе ингалсий, испански метташца» яхар», - дийцар «Сердалога» библиотеке.
Малсаганаькъан А.С., Бессонов Д.Ю. мемуараш лоархIаме исторически каьхаташ да, XX-ча бIаьшерен бирсагIа хинна ханаш ювцаш. Эггара халагIча моттиге а шоай бокъонаш бахьан духьаллаьттараш бовзийт цу книжкаша.
