Боксёрех дикагӀбараш къовсабелар ГӀажарий-Юрта
28.04.2025 09:30
Фашист вохавеш Котало яьккха 80 шу дизара хетаяь боксах йола яхьаш дӀайихьар ГӀажарий-Юрта. Из хоам «Сердалога» бир Шолжа кхален администраце. «Йовлой М. цӀерах йолча спорта ишколе, шоай низ гойташ хилар спортсменаш кхаь дийнахьа.
Шолжа кхалерча спортсменашта кхаьчар 14 дошо, 2 дото майдилг. Ше-ше хьалхавала гӀерташ вар хӀара доакъашхо», - йоах тхога бенача хоамо.
Кхален кулгалхоша доккха баркал аьлар тренер волча Оздой Аслана, къона тӀехье къахьега Ӏомаярах, спортаца дог-уйла долаш кхеярах.
