Кердача Редантера Бекбузаранаькъан цӀерах бола урам тоабеш боахк болхлой
29.05.2024 12:32
Кердача Редантера урам тоабе арабаьннаб болхлой. Шахьара куц тоадара тӀехьа кхеллача программага гӀолла, дӀахьош беркате болх ба из. Асфальт биллача урамга хьожаш хилар МагӀалбика кхалерча администраце кулгалхо Къоастой Ӏаддал-Хьамид.
«Урам тоабеш бола болх ший ха къоастаяь ба. Наькъа оагӀош тоадеш боахк къахьегамхой. Болх йистебаьлча, бахархой дегашта тоам хургболча тайпара, куц эргадаьнна хургба урам», - дийцар «Сердалога» кхалерча администраце.
Шахьара куц тоадара тӀехьа йолча проектага гӀолла, дукха урамаш тоадаьд вай мехка. Паркаш, сквераш, кхыйола моттигаш эргаяха аьттув беннаб беркатеча проекто.
