Кердача Реданта керттера урам тоабергба
МагӀалбика кхален Кердача Реданта Бекбузарова цӀерагӀа урам тоабергба, цига керда асфальт Ӏобулларгба, сердал хургйола гӀулакх а вӀаштӀехьадоаккхаргда. Из урам 800 метр бӀаьха ба. Цига балхаш дӀахьоргда «Шахьара дика хьалаш» яхача проекта чудоагӀаш, яхаш, дийцар «Сердало» газетага доал деча даькъ тӀарча администраце.
«Кердача Редантера Бекбузарова цӀерагӀа урам керттерчарех цаӀ лоархӀаш ба. Из доазув тоадаро таро хулийтаргья наха а машинашта а паргӀатта лела», - аьлар, тхоца къамаьл деш, МагӀалбика кхален администраце кулгалхочо Къоастой Ӏаддал-Хьамида.
Каьхаташцара болх йистебаьнначул тӀехьагӀа, болх берашца чӀоагӀдергда къахьегама дикал лакха хилийтара дош. Проект чӀоагӀъяь хиларга диллача, карарча шера бекарга-аьтинга бетташка керттера балхаш дӀадоладаь хургда.
Юртхой, сатем боацаш, хьежаш ба болх дӀаболабарга, хӀана аьлча из урам тоабарца, юрта сибат хувцадаларал совгӀа, бахархой вахара хьалаш а дикка аттача даргда.
