Кердача Реданте полице, юкъара болх бечар дийцар лоархӀаме къамаьл
ГӀалгӀайчен Кердача Реданте полицейскеша, моттигерча Ӏаьдала викалаш дакъа а лоацаш, юкъара болх бечар «герга истол» дӀадихьар, из хетадаь дар лоархӀамеча хаттарашта, яхаш, хоам бу «Сердало» газетага республикан МВД.
«Из дӀадихьар культуран ЦӀагӀа. Цига дакъа лоацаш хилар республикан чурча гӀулакхий кулгалхой, ОМС, МагӀалбика кхален, Заьзгакъонгий-Юртара, Кердача Редантера юкъара болх лелабераш. Кхетаче дӀаяхьара бахьан дар, республикан МВД, бахархошта юкъера бувзам чӀоагӀбар. Из дагадехар яр ГӀалгӀай Республике гӀолла йолча МВД чуйоагӀаш йола Юкъара кхел, бокъонаш лораерий кулгалхой», - аьлар хоамо.
ГӀалгӀай Республике гӀолла йолча МВД чуйоагӀача Юкъарча кхела кулгалхочо Гаданаькъан Мусас белагалдир, «моттигерча наха къувлаш дола лоархӀаме хаттараш» цига дийца хилар. Иштта цига хьоахабир полице профилактикан болх, наркоманена духьале яр, ПДД бокъонаш телхаерашца бе безача болх, кхыйола административни бокъонаш телхаяр.
Цига гулбеннараша белгалдир, дукха наркотикаш, корта бохабу малар вахара юкъедоалаш хиларах.
Укхаза мел дийца дешаш теркалдергда бокъонаш лораяра болхлоша, доагӀаш дола хаттарий цхьа дакъа дӀалургда ГӀалгӀай Республикан паччахьалкхенга.
Цу тайпара хӀара сага шийна бакъахьа хетар оалаш хиларо таро лу бокъонаш лораяра даькъ тӀа нийслуш дола кхоачамбоацараш сихагӀа дӀадаха, зуламех нах лорабе.
