Боккхача дезала даьна, ший бокъонаш меттаоттае гӀо дир
16.08.2024 11:44
Ший диъ бера Ӏаьдалгара доагӀаш дола ахча 75 % мара хьа ца деннадаь, сага бокъонех волча викалгара гӀо деха тӀавахар Наьсарера вахархо.
«Сона хьатӀадоагӀаш долча ахчах дола каьхат дӀачуденнад аз цу оагӀон болхлошка, бакъда берашта доагӀаш дола ахча боаггӀача боараме хьалуш дац», - язду дог дехача дезала дас.
Сага бокъонех волча викала Россе Вахара ганзага гӀолла техкар из гӀулакх. ЦӀенхашта дӀабихьача балхо меттаоттайир цун бокъонаш. ХӀара бера 14 эзар 294 сом ахча доагӀаргда цунна; вешта аьлча, дизза 100%.
