Наьха бокъонаш лораераша нах тӀаэцаргба
ГӀалгӀай мехка гӀолла сага бокъонаш лораечои, республикан шоай доалахьенца къахьегарий бокъонаш лораечои, хьатӀадоагӀача ерача дийнахьа, Магасе цхьана нах тӀаэцаргба.
Нах тӀаэцара болх вӀашагӀболлаш ба, наха эшар фуд хара, цар хаттараш тахкара, эшача цар оагӀув хьаллацара, мехка шоай хӀама хьадерашта хьалхашка нийслуш йола халонаш юстаръяхара, цар бокъонаш лораяра.
«Нах тӀаэцаш бола болх дӀахьу, хьалхашка нийслуш долча хаттарашка хьежжа, уж тохкаргда законо дӀадехача тайпара. Иштта наха ховргда шоай бокъонаш малагӀаш я, уж мишта лелае еза.
ТӀаэцача моттиге дӀаводаш, сагага хила деза паспорт. Хьалхадоаккх, яздаь каьхат хилча бакъахьа хилар», - аьлар «Сердало» газетага ГӀалгӀайче гӀолла волча сага бокъонаш лораеча викала хоамий-аналитически даькъе.
Цхьана нах тӀаэцаргба, 10 даьлча денз13 сахьат даллалца.
