ГӏалгӀай Республике гӀолла йола СФР нах тӀаэцаш яр
31.10.2025 15:14
Магасе пенсеца, вахара Ӏалашонца дувзаденнача хаттарех нах тӀаэцаш ди хилар ГӏалгӀай Республике гӀолла йолча Россе вахара ганза даькъа кулгалхочун Йовлой Зубейран, аьлар «Сердало» газетага из болх вӀашагӀбеллараша.
«Из кхетаче дӀахьош, Йовлой Зубейрас бахархошта хьалхашка нийсденна хаттараш дийцар. Цо, российски законах доагӀаш ма хиллара, царех хIаранена жоп делар», - аьлар хоамо.
Белгалду, хьалхагӀа «Сердало» газето яздаьдар; ГӏалгӀай Республике гӀолла дола СФР дакъа мехка столице хӀара бетта тӀеххьарча ерача дийнахьа бахархой тӀаэцаш хиларах.
