В.Комарова цӀерагӀча берий лагере концерт хилар
26.07.2024 16:37
Цу дийнахьа сакъердалуш яр В.М. Комарова цӀерагӀча могашал тоаеча ГӀалгӀайчен Шолжа кхален Ӏалама хозача моттиге уллача лагере. Укхаза салоӀаш дола бераш долча баьхка хилар Эбарга-Юртарча культуран цӀен болхлой, шоай начӀал дола дешархой а боалабеш. Цар ена концертни программа езаелар дешархошта, цар хьехамчашта.
«Бераш, хоза хеташ хьежар къонача артистий говзалга, уж халхабаьлар, яхьашка, ловзарашка дакъа лаьцар.
Лагера кхетама болх беча боккхагӀчар хьаллаьцар уж, новкъостал деш а царца цхьана сакъердалуш а хиларца», - аьлар «Сердало» газетага концерт вӀашагӀделлараша. Цу тайпарча кхетаченаша берашта юкъера доттагӀал чӀоагӀду, иштта кхоллама даькъ тӀа уж дикагӀа дегӀабоалабу.
