Парламенте дийцар, моттигерча доазон тӀара хьал
ГӏалгӀай Республикан моттигерча доазонашта доал дарах, къаман политиках, юкъарлонца, дина викалашца бувзам лелабарах йолча Халкъа Гуллама комитета кхетаче дӀайихьар, из хетаяь яр моттигерча доал дара хьалха латтача Ӏаьдала викалий балха, яхаш, дийцар «Сердало» газетага ГӏалгӀай Республикан Парламенто.
«Цига дакъа лоацаш хилар вице-спикер, уж дешаш чудоагӀача комитета кулгалхо Пхьаранаькъан Руслан, комитета кулгалхочун гӀонча, кхетаче вӀашагӀъелла Къоастой Ахьмад, шахьарий, юртий кулгалхой», - йоах хоамо.
Цига дийца дош дар доал деча доазонаш тӀа дӀахьош болча балхах лаьца - ахча далар, халкъа депутаташа беш бола болх чӀоагӀбар, моттигерча депутатий декхараш, ОМС балха толам.
Наха дукхагӀа дагадоаллаш дола хаттар кхоачашдеш; депутаташа, бахархоша шоайла айхха бувзам лелабеш хила беза.
Къоастой Ахьмада белгалдир, шахьара, юрта бахархошца бувзам лелабеш хилар. Цо юкъедоаладир дика болх беш бола нах хьаллацара дош. Иштта кхетачен кхыча доакъашхоша шоашта бакъахьа хетар аьлар. Из деррига а каьхата тӀа дӀаяздаь хургда, хьабеча балха хьал аттача даргдолаш.
