«Республикан ганзаца дувзаденнача мехкарча бокъонашта юкъерча хувцамех, ГӀалгӀайчен паччахьалкхен совгӀатех, спорта оагӀонцарча болхлошта гӀо лоаттадарах дувцаргда депутаташа. Цул совгӀа, вице-спикер, дешареи, культурани, хоамий политикахи йолча комитета хьалхалаттача Хьаьшанаькъан Азас гойтар ГӀалгӀай республикан къаман спорта оагӀонах йола проект. Тхьовра денз вай мехка хьаяхьаш йола къаман спорт йоаржаяра, хьаллацара тӀехьа вӀашагӀъеллай из проект. Иштта, Республикерча тӀахьожама-лархӀара палата аудитор харжа везаш ба депутаташ». Из хоам «Сердало» газетага бир Халкъа Гуллама зарбан болх лелабераша.