«Газпром межрегионгаз», «Газпрома Наьсарен газ дIа-юха хьожаеча» АО керттерча кулгалхочо Лаьнанаькъан Элберда хоам бир, газ чуйилларах дола парламенто хьалхашка оттадаь декхараш кхоачашдарах», - йоах хоамо.

Газови гIулакха кулгалхочо депутаташка хоам бир, республикан доазон тIа 66 054 цIагIа газ чуйилла хиларах, иштта вIаштIара даьча цIеной 503 квартира чу, юридически нах ба газ чуйилларашта юкъе 3 эзар саг. Газ чуйиллара хьокхам ГIалгIай Республикан вахара ганзо лаьрхIачох 87,67% я.

«ГIалгIай Республике гIолла 2016-2020 шерашка, Российски Федераце газ чуйиллара программа» кхоачашъеш, вайцига хьаяьй 18 газ дIа-юха хьожаеш йола моттиг. Юкъара дIалаьрхIача - 405,6 км.

Къаьстта терко тIаяхийтай, нах чу ца бахача моттигашкара хьал довзара. Иштта газ лелаеча цIеношкара гIирс лелабарах долча каьхаташта кулг яздаьд.

ДукхагIболча бахархошка газ чуйилла бокъо луш дола каьхаташ дац, из бахьан долаш царца бартчIоагIам бе йиш яц.

Цудухьа депутаташа хьалхадаьккхар, цу наьха доалахьара цIенош хьатIаязде дезаш хилар, иштта да воацаш латтача фусамашкара газ а тIахьожаме хила езилга.

Республикан Парламенте из дош теркама юкъе хила деза, дIахойодача хана дикагIа кхоачашдара.